“Enersok” XK MChJ 2022 yilda EDF (Fransiya), Nebras Power (Qatar), Sojitz Corporation va Kyuden International (Yaponiya) kompaniyalaridan iborat strategik konsorsium orqali tashkil etilgan. Mazkur konsorsium O‘zbekistonning Sirdaryo viloyatida quvvati 1,6 GVt bo‘lgan gaz elektr stansiyasini qurish va undan foydalanish bo‘yicha davlat-xususiy sheriklik asosida 2022-yil fevral oyida rasman imzolangan shartnomani tuzdi.
“Enersok” XK MChJning asosiy maqsadi elektr stansiyasini qurish, uni boshqarish va texnik xizmat ko‘rsatishdan iboratdir. Tijoraviy faoliyat 2026-yilda boshlanishi kutilmoqda. Ishlab chiqarilgan elektr energiyasi 25 yillik elektr energiyasini sotib olish shartnomasi (PPA) boʻyicha “OʻzEnergosotish” davlat AJga sotiladi.
Elektr stansiya O‘zbekistondagi eng yirik energiya ishlab chiqarish inshootlaridan biri bo‘lib, mamlakatning sanoat sohalari hamda aholining energiyaga o‘sib borayotgan talablarini qondirishga sezilarli hissa qo‘shadi. Ushbu loyiha O‘zbekiston energetika infratuzilmasini mustahkamlash, uzoq muddatli barqarorlikni qo‘llab-quvvatlash va iqtisodiy taraqqiyotni rag‘batlantirishda muhim rol o‘ynaydi.
